ХЪАНЫ ЦАРД КÆНЫН

Зæрдæвæндонæй, удæнцойæ, æнæкусгæйæ хорз рæстæг æрвитын.

Æнæкусгæйæ мæхицæн хъаны цард кæндзынæн. (СИ. 1990, 214.)

Нæй, нæй! Ма тæрс, – махмæ ды хъаны цард кæндзынæ... (Къоста. Цъиу æмæ сывæллæттæ.)

Хъан хуыдтой кæнгæ фырты. Уый-иу цы ныййарджытæ скодтой сæхицæн фырт, уыдон-иу æй сæхимæ æрхуыдтой, фæуыдаид-иу сæм цасдæр рæстæджы. Хæрын ын кодтой æппæты хуыздæр, фæлыстой йæ хуыздæр дæрæсæй. Кæнгæ фырт кусгæ ницы кодта. Ардыгæй цæуы фразеологизмы ном.